《延禧攻略》結局！佘詩曼入冷宮，傅恆為瓔珞而死

瓔珞和乾隆大團圓結局！掀起內地港台、越南馬來西亞等煲劇潮、內地點擊超過130億的內地劇《延禧攻略》，今晚播出大結局，最終被袁春望施計落毒的瓔珞，好在有傅恆找到解藥而沒事，乾隆仲封瓔珞為皇貴妃。

乾隆同瓔珞依然繼續打情罵俏，乾隆話要瓔珞親口多謝他，因為升了她做皇貴妃，仲要迫瓔珞講一生最愛系他。但瓔珞保持玩嘢作風堅持不講，仲話：「你以國事為先，但你要我以你為做首位，我不會答應你，但我會一生來回答你！」嘩！唔使咁肉麻嘛！

而皇后佘詩曼有咩下場？她突然發難削髮，在古代是大不敬的行為！原本阿佘系死路一條，但有瓔珞同皇上求情，最後唔使死，但就被打入冷宮，但臨入宮前阿佘要見瓔珞，問點解要幫她求情！